30802035315646716
recent
آخر الأطباق

اسرار نجاح الصابلي ( تخليه هشيش )

الخط

اسرار نجاح الصابلي ( تخليه هشيش )

أولا : صلي على رسول الله صلى الله عليه و سلم و قل الحمد الله و سبحان الله

لحاجة اللي تخلي الصابلي هشيش هي :

•  أولا لازم : تحترمي المقادير تاعو(250 غ زبدة..125 غ سكر صفار بيضة +بيضةكاملة ...1 خميرة...فاني..500 غ فرينة) باسكو عجينة الصابلي عندها مقادير مضبوطة حيث أنه دايما كمية المرغرين تكون نصف كمية الفرينة و كمية السكر هي نص كمية المرغرين يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير ستوندار ممكن تزيدي و لا تنقصي شوية الفرينة على حساب واش تاكلك العجينة بصح هذا هو المبدأ تاع الصابلي

• • ثاني حاجة هي البيض : في القاطو صفار البيض يهشش لعجينة و البياض ييبسها... هاذي معلومة لازم تحفضيها... علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كاملين... ديري 2 صفار و حبة كومبلي...

• • • السر الثالث هو : في المايزينة.... تقدري أتلمي العجينة بالفرينة وحدها و تجي مليحة بصح كي تزيديلها شوية مايزينة تجي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق انا مرات نديرو بالفرينة وحدها و مرات نزيدلها مايزينة يعني القوام أللي يتبدل برك

• • • • رابع سر هو : كي تلمي العجينة ما تعجنيهاش لميها برك.و لازم تخليها طرية ...هذا ثاني مبدا في القاطو... عجينة تلميها طرية مي تطيب تجيك طرية و اذا لميتيها يابسة سي نورمال في الفور تيبس أكثر ...علي هاذي قلتلك في الصابلي ديما كيلي الفرينة تكون دوبل كمية ليدام سيريها مليح و حطيها قدامك باش ما تفوتيش هاذ الكمية .

• • • • •  خامس شي : كي تحلي العجينة تاعك من الاحسن تحليها فوق ساشي باش ما أديريش الفرينة باسكو كيما قلتلك كمية ليدام في الصابلي محسوبة لوكان تحليها بفرينة بزاف قادرة تنشفي لعجينة و تجيك يابسة و كي تلميها حطيها في الفريجيدار مدة بسيطة حوالي 15 د باش تشد روحها و تجي ساهلة في الخدمة

للتوصل دائما بجديد وصفاتنا المرجو التفاعل والمشاركة مع الاصدقاء ودعوتهم للإعجاب بالصفحة
بالصحة و الهناء

اسرار-نجاح-الصابلي-تخليه-هشيش
اسرار نجاح الصابلي ( تخليه هشيش )

ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة